Здаецца, мы сапраўды адвыклі ад таго, што казка можа быць проста казкай, што ў ёй неабавязкова павінна прысутнічаць інфармацыя пазнавальнага кшталту, а героі — быць нейкімі неверагоднымі фантастычнымі істотамі. Таму і твор Алега Аблажэя выглядае свежым і новым. ~Марына Весялуха, ЛіМ №15

У казцы Алега дзейнiчаюць каралi i каралеўны, рыцары i чараўнiкi, там ёсць змрочныя замкi i таямнiчыя вежы… Але галоўны персанаж, бадай што… сэрца, якое ўмее гаварыць. I калi ўжо хтось мае такое… красамоўнае сэрца, лёгка яму не будзе. Бо ягоны голас рэдка супадае з голасам розуму. ~Людміла Рублеўская, СБ №225