«Это первое полное издание всех моих книг. Несмотря на то, что по отдельности они сотнями выходили в разных странах мира и на разных языках, мне хочется звучать на своём языке. Издания на белорусском были, но не было хороших.
Мне нравится, что сейчас над переводом цикла «Голоса утопии» работали наши лучшие современные поэты и писатели — Валентин Акудович, Владимир Орлов, Сергей Дубовец, Борис Петрович, Андрей Хаданович.»
(Святлана Алексіевіч)
«Час сэканд-хэнд» — кніга, якая выйшла ў 2013 годзе, распавядае не столькі пра падзеі ХХ стагоддзя, колькі пра іх адлюстраванне ў сэрцы паспалітага чалавека, прадстаўніка «новай гістарычнай супольнасці людзей». Паводле жанру гэта — трагічны эпас савецкага народа, які балюча знікае на нашых вачах разам з распадам імперыі. Каб запісаць маналогі аб жыцці пасля распаду СССР, Святлане Алексіевіч давялося правесці 10 гадоў у паездках па ўсім былым Саюзе.
Святлана Алексіевіч: «Гэта самая складаная кніга. Велізарная краіна развалілася на дзясяткі светаў. Як сабраць іх? Я гаварыла з людзьмі, якія бачылі Леніна, а ўжо Сталіна тым больш. Сустракалася з тымі, хто памятае Гарбачова. Было вельмі страшна бачыць разгубленасць гэтых людзей».

Святлана Алексіевіч — першы беларускі лаўрэат Нобелеўскай прэміі. Вышэйшую літаратурную ўзнагароду свету ёй уручылі ў 2015 годзе «за шматгалосную творчасць — помнік пакуты і мужнасці ў наш час». Тады ж выдавецтва «Логвінаў» вырашыла выпусціць легендарныя кнігі нобелеўскага лаўрэата на беларускай мове — усё адразу, упершыню (!) без цензарских правак, у адзіным дызайне і, галоўнае, у найноўшым перакладзе лепшых аўтараў краіны. Гэтая праца вялася 2 гады.