Сучасны беларускі пісьменнік, які піша як для дзяцей, так і для дарослых.
Творы аўтара пастаянна друкуюцца ў дзіцячых часопісах «Вясёлка», «Бярозка», «Рюкзачок», «Весёлый зоопарк» і ў іншых перыядычных выданнях і калектыўных зборніках. За апошнія гады Генадзь Аўласенка напісаў шмат кніг для дзяцей. Сярод іх можна адзначыць такія, як «Дашачка і чароўныя акуляры», «Прыгоды Васі Лайдачкіна», «Верш, дзе ўсё наадварот», а таксама казачна-пазнавальную кнігу «Казкі дзядулі Дняпра» і аж чатыры кнігі-казкі аб прыгодах маленькага Ветрыка з Вентылятара.