-
-
Бахарэвіч Альгерд. Сарока на шыбеніцы
1Гэты раман, назва якога запазычаная ў вядомай карціны Пітэра Брэйгеля Старэйшага, – гіпнатычная гісторыя жыцьця дзяўчыны Веранікі, німфаманкі-нарцысысткі, што жыве ў краіне, чымсьці падобнай да Беларусі, і працуе ва ўправе канцэнтрацыйных лягероў…
Жанр Проза Выдавецтва Логвінаў Год выдання 2009 Колькасць старонак 354 Вокладка мяккая Памеры 130×200 мм ISBN 978-985-6901-08-2
У кнізе «Сарока на шыбеніцы» я здзяйсняю падарожжа па целе адной маладой жанчыны, якую завуць Вераніка. Яна працуе ва ўправе канцлагераў і закаханая ў свайго начальніка.
Я пішу пра тое, што адбывалася ў розныя часы кароткага жыцця Веранікі з яе целам, і праз гэта распавядаю гісторыю. Мы пачынаем з валасоў і потым апускаемся ўсё ніжэй, каб напрыканцы кнігі зноў вярнуцца да яе твару і зазірнуць Вераніцы ў вочы. Урэшце, гэта ўсяго толькі сюжэт… ~Альгерд Бахарэвіч для nn.by
Беларускі пісьменьнік і перакладчык. Ад 2006 года жыў у Гамбургу, у 2013 годзе вярнуўся ў Мінск. Лаўрэат літаратурнай прэміі «Гліняны Вялес» (2002), 2-й прэміі імя Ежы Гедройца за кнігу «Малая мэдычная энцыкляпедыя Бахарэвіча» (2012), 2-й прэміі імя Ежы Гедройца за кнігу «Гамбурскі рахунак Бахарэвіча» (2013), прэміі «Кніга году» і 3-й прэміі імя Ежы Гедройца за кнігу «Дзеці Аліндаркі» (2015). Быў адным са стваральнікаў і лідэрам панк-гурту «Правакацыя», актыўным удзельнікам творчага руху «Бум-Бам-Літ», сябра літаратурнай суполкі «SCHMERZWERK». Творы Альгерда Бахарэвіча перакладаліся на нямецкую, чэскую, украінскую, балгарскую, славенскую, польскую мовы.
