Галоўнае прызначэньне зборніка Віктара Жыбуля і Веры Бурлак сфармулявана ў назьве: “Забі ў сабе Сакрата!”. Для тых, хто не гатовы зрабіць гэта рашуча, адным махам, кніга складаецца з разьдзелаў, каб садыстычна, па частках выціскаць-вытручваць з сябе Сакрата. На апошняй старонцы Сакрат проста абавязаны будзе памерці, а чытач – горка-горка загаласіць. Але не па Сакрату, а па маленькіх рыбках, якім не далі дагуляць у футбол. ~Алена Карп, часопіс “Дзеяслоў”