• Алесь Бычкоўскі Анамалія
  • Бычкоўскі Алесь. Анамалія

    5.70 руб.

    0

    Героі «Скарпіёнаў Даўра», касмічныя кантрабандысты, падчас даследвання закінутага карабля выпадкова знаходзяць старажытны артэфакт, за якім, як аказалася, даўно палююць усе вядомыя спецслужбы Галактыкі. Артэфакт мае ўласцівасць вымушаць людзей, якія побач, казаць толькі праўду. Узнікла небяспека, што зламыснікі ўпотай правязуць небяспечную рэч на савет Галактычнага Сената, і тады палітыкі пачнуць прызнавацца ў хабарніцтве, тэрактах, гандлю рабамі і іншым, настане глабальны палітычны крызіс і пачнецца вайна. Спыніць развіццё трагічных падзей узяліся палкоўнікі варагуючых разведак… 

    Серыя «Калекцыя беларускай фантастыкі».

    Жанр Фантастыка
    Выдавецтва Галіяфы
    Год выдання 2012
    Колькасць старонак 136
    Вокладка мяккая
    Памеры 120×165 мм
    ISBN 978-985-6906-59-9


    Самавываз або бясплатная дастаўка ў Мінску па лініі метро. Перасылка поштай па Беларусі.


    Тэгі: , , .Катэгорыі: , , , , .

Творчасць фантаста Алеся Бычкоўскага ахоплівае невядомыя сегменты Сусвету, дзе адбываюцца неверагодныя прыгоды і адкрыцці і дзе можна па-іншаму ад прывычнага адчуць час і прастору. У кніжцы ёсць караблі-зоркалёты і мужныя космапраходцы, хітрыя кантрабандысты. Два супертворы сучаснай беларускай фантастыкі змешчаныя ў гэтай кнізе: дзве фантастычныя навелы «Ён прыйдзе апоўначы» і «Муары Лідлу». А разам з імі — захапляльныя аповесці і твор па-за жанрам — «Хвалі. Бязмежная плынь» — для тых, хто любіць філасофскія вандроўкі.

«АНАМАЛІЯ»
> Анамалія
> Скарпіёны даўра
> Ён прыйдзе апоўначы
> Муары Лідлу
> Дзень імператара
> Хвалі. Бязмежная плынь

Нарадзіўся ў 1975 г. у г. Беразіно Мінскай вобласці. У 2000 г. скончыў факультэт журналістыкі БДУ. Працаваў у бярэзінскай раённай газеце «Бярэзінская панарама». Быў фотамастаком, загадчыкам рэкламнага аддзела, качагарам, піларамшчыкам, вартаўніком і шмат яшчэ кім. Аўтар кніг «Горад за 101-ым кіламетрам» і «Анамалія».

Водгукі


Галіяф Гандляровіч
Zmicier
Ноябрь 10, 2017

Алесь Бычкоўскі. «Анамалія». Фантастыка. «Галіяфы», 2012. Фантастычны тэкст нараджаецца пры перасячэнні трох немагчымых: немагчымае месца, немагчымы час і немагчымая рэч у падкрэслена рэалістычным асяродку. Такім чынам, у кнізе Алеся Бычкоўскага нараджэнне немажлівага робіцца ўрэчаісненым: аўтар умее ўбачыць цуд у звыклым і будзённае ў неверагодным. Часам, праўда, здаецца, што з’яўленне серыі «Калекцыя беларускай фантастыкі» ў беларускай прасторы — падзея сама па сабе фантастычная, хоць усе творы з кнігі «Анамалія» друкаваліся ў часопісе «Маладосць». Банальныя сумесныя вучэнні войскаў (аповесць «Анамалія» пачынаецца з яскравага эпізода армейскай руціны) прыводзяць у іншы час, і пакуль чытачы будуць суправаджаць героя ў яго выпадковым падарожжы, літаратуразнаўцы з задавальненнем зафіксуюць чарговы зварот маладых аўтараў да тэмы Вялікай Айчыннай вайны (мы ж памятаем надакучлівы стэрэатып «беларуская літаратура — пра вайну і вёску»). Жахі вайны ў такім кантэксце нібыта падкрэсліваюць: выратаванне з тых умоў магчымае толькі ў фантастычных варунках. Фантастычныя ўмовы не адмяняюць галоўнага: фізічна ўдасканаленыя людзі з процьмай імплантаў у розных частках цела, людзі, якія валодаюць найсучаснымі тэхналогіямі, заўсёды застаюцца людзьмі: яны прагнуць улады і грошай, выяўляюць бязлітаснасць да наяўных паплечнікаў і аслабелых ворагаў. Амбітныя і сквапныя, хлуслівыя і помслівыя, людзі ніколі не стануць шчаслівымі самі, а зрабіць іх шчаслівымі прымусова таксама немагчыма. І адзінае, што можна зрабіць з чалавецтвам, — гэта альбо знішчаць яго (у апавяданні «Муары Лідлу» распавядаецца, што на новых планетах ёсць нават алгарытм пакарання хцівых прыхадняў, у якім натуральным чынам удзельнічаюць незвычайныя мясцовыя істоты), альбо адмежавацца ці нацкаваць людзей саміх на сябе («Скарпіёны Даўра»), альбо пазбавіць людзей тэхнічных магчымасцяў распаўсюджваць сваю агрэсію («Дзень імператара»). На ўзбочыне фантастычнага кірунку гэтай кнігі знаходзяцца два апавяданні — «Ён прыйдзе апоўначы» і «Хвалі. Бязмежная плынь», якія, зрэшты, то з лёгкім гумарам, то са светлым сумам апавядаюць пра чалавечае шчасце (і няшчасце). Кожны чалавек з’яўляецца адначасова і кавалём свайго лёсу, і яго марыянеткай, але можна натхнёна змагацца за жыццё або грунтоўна вытлумачаць уласную бяздзейнасць, бо, як вядома, «хвалі ўзнікаюць дзякуючы таму, што заўжды ёсць той, хто назірае зверху і шпурляе ўніз камяні»…
Аксана БЯЗЛЕПКІНА
(ўзята з https://www.livelib.ru/book/1000513339-anamaliya-ales-bychkoski)

 

Побач на паліцы:

  • ГАЛІЯФЫ

    Выдавецтва. Кнігарня

  • Рэжым працы:

    Пункт самавывазу, кнігарня:
    Крама "Галіяфы"
    Мінск, вул. Няміга, 3,
    цокальны паверх, пав. 66.
    Штодзённа з 11:00 да 20:00

    Дастаўка па Мінску:
    Штодзённа з 17:00 да 20:00

  • e-mail: halijafy@halijafy.by
    +37529-1700781 (Velcom)

  • Пішыце нам: