-
-
Гакл Эміль. Нормы камічных паводзін
24.60 руб.
0Раманы “Пра бацькоў і дзяцей” і “Нормы камічных паводзін”, якія па-беларуску пад адной вокладкай выходзяць у выдавецтве “Логвінаў”, звязваюць міжсобку постаці дзвюх асобаў – апавядальніка (у якім мы пазнаем многія рысы самога аўтара) і ягонага бацькі. У першым са згаданых раманаў чытач выпраўляецца на прагулку з галоўнымі героямі, у размовах якіх чаргуюцца ўспаміны, дзіцячыя траўмы ці каментары актуальных ды гістарычных падзей, і з усяго гэтага паўстае цэльны вобраз не толькі жыцця апавядальніка, але і ўсёй эпохі. Цэнтральнае месца ў другім рамане (яго дзеянне адбываецца на некалькі гадоў пазней), займае бацькава хвароба і смерць, якую сын па-свойму спрабуе адрэфлексаваць, выправіўшыся ў дэльту Дуная на пошукі сябе самога.
Пераклад з чэшскай Вольгі Патапавай, Сяргея Сматрычэнка
Жанр Раманы Выдавецтва Логвінаў Год выдання 2018 Колькасць старонак 284 Вокладка мяккая Памеры 136х199 мм ISBN 978-6-09-821329-4 Няма ў наяўнасці
Эміль Гакл – творчы псеўданім Яна Бэнэша, народжанага ў 1958 г. у Празе. Першую кнігу вершаў ён выдаў у 1991 г., але пад канец мінулага тысячагоддзя перайшоў на пісанне прозы, чым досыць удала займаецца дагэтуль. Крытыкі параўноўваюць творчы метад Эміля Гакла з пісьмом славутага Багуміла Грабала, называючы Гакла адным з найяскравейшых прадстаўнікоў цяперашняй “карчомнай прозы”. Першы вялікі поспех пісьменнік зведаў як аўтар рамана “Пра бацькоў і дзяцей” (2002), які атрымаў прэстыжную прэмію “Magnesia Litera”, на 8 гадоў пазней Гакл быў уганараваны прэміяй імя Ёзэфа Шкворэцкага за раман “Нормы камічных паводзін”, а ў 2013 г. паўтарыў дасягненне як найлепшы празаік года з кнігай “Сапраўдная падзея”.
Побач на паліцы:
! 
Кёльмаер М. Дзяўчынка з напарсткам
12.00 руб.8.40 руб. У кошык
Гавэл Вацлаў. Жыццё ў праўдзе
7.90 руб. Падрабязна