Гапеева Вольга. Дзве Авечкі

16.80 руб.

“Дзве Авечкі” – гэта паэма для дзяцей і дарослых, якія не перасталі ўспрымаць свет дзіцячымі вачыма. Вольга Гапеева распавядае тры гісторыі, галоўнымі гераінямі якіх з’яўляюцца дзве авечкі. Тут знойдзецца месца для захапляльных падарожжаў і новых сяброў. Выдатныя ілюстрацыі Марты Герашчанкі дапамагаюць стварыць чароўную атмасферу казачнага свету. У якасці дадатку ў кніжку ўключаны ілюстрацыйны слоўнік, які можа выкарыстоўвацца як лемантар.

Мастачка – Марта Герашчанка

Жанр	Вершаваныя гісторыі
Выдавецтва	Галіяфы
Год выдання	2017
Колькасць старонак	68
Вокладка	цвёрдая
Памеры	220х220 мм
ISBN	978-985-7021-38-3

Тэгі: Вольга Гапеева, Дзецям-2018.Катэгорыі: Выдавецтва Галіяфы, Дзеткам, Ідэі для падарункаў, Усе кнігі.

Кніга «Дзве Авечкі» — тры цікавыя гісторыі з шыкоўнымі ілюстрацыямі!

Знайсці якасную дзіцячую літаратуру на роднай мове з сучаснымі героямі і адпаведнымі ілюстрацыямі – вялікая праблема. Выданне кніжкі для дзяцей Вольгі Гапеевай “Дзве Авечкі” з ілюстрацыямі Марты Герашчанка дапаможа цудоўным гісторыям знайсці сваіх чытачак і чытачоў.

Кніга складаецца з трох вершаваных гісторый, кожная з якіх – гэта цікавыя прыгоды дзвюх сябровак-авечак. У канцы кніжкі ёсць прыемны сюрпрыз для тых, хто толькі пачынае вывучаць беларускую мову – ілюстрацыйны слоўнік, які дапаможа дзеткам і бацькам арыентавацца ў некаторых словах.

У выданні жывуць прыгожыя каляровыя ілюстрацыі і надзвычай захапляльныя гісторыі. “Дзве авечкі” ўжо падрыхтаваліся да вандроўкі і хацелі бы зазірнуць і да вас у госці.

крыніца

першая гісторыя

Авечкі збіраюцца ў дарогу

другая гісторыя

Авечкі ў гасцях у панды

трэцяя гісторыя

Авечкі едуць на пікнік

а яшчэ ў канцы кнігі ёсць

ілюстрацыйны слоўнік

Вольга Гапеева (Volha Hapeyeva) — беларуская паэтка, пісьменніца, мыслярка, перакладчыца, лінгвістка (кандыдат навук, дацэнт). Аўтар кніг “Граматыка снегу”, “Няголены ранак”, “Прысак і пожня”, “Сумны суп”, “(в)ядомыя гісторыі” і інш. Творы Вольгі Гапеевай перакладзеныя на больш як 10 моваў свету.

Стыпендыятка міжнародных праграм для пісьменнікаў і перакладчыкаў (Аўстрыя, Нямеччына, Латвія, Швейцарыя), удзельніца шматлікіх міжнародных канферэнцый і літаратурных фестываляў (Славенія, Германія, Чэхія, Швейцарыя, Польшча і інш.). Аўтарка супрацоўнічае з электроннымі музыкамі, выступае з аўдыёвізуальнымі перформансамі. Займаецца літаратурным перакладам, даследаваннямі ў галіне філасофіі мовы, кампаратыўнай лінгвістыкі, сацыялогіі цела.

Марта Герашчанка – аніматар, дызайнер і ілюстратар дзіцячых кніг.

Скончыла Еўрапейскі Гуманітарны Універсітэт (Вільнюс, Літва), праграма Дызайн і Медыя. З 2011 года – аніматар і мастак на кінастудыі «Беларусьфільм», «Саюзмультфільм»; фрыланс дызайнер і ілюстратар дзіцячых кніг. З 2013 года – арганізатар і выкладчык майстар-класаў па анімацыі для дзяцей і дарослых у Беларусі і Літве. Аўтарка ілюстрацый для такіх кніг як “Сумны суп” (Вольга Гапеева), “Капелька, туман, снежинка. Волшебные превращения воды” (Юлія Смірнова), “Тропинка” (Наталья Абрамцава).

Водгукі