Качаткова Паліна. Гняздо-2

9.00 руб.

Паліна Качаткова атрымала вядомасць дзякуючы напісанню сцэнарыяў дакументальных фільмаў. У 2013 годзе яе кніга прозы ўвайшла ў лонг-ліст прэміі імя Ежы Гедройца. Новы зборнік «Гняздо-2» уключае аповесць «Паэт» пра таямніцы жыцця Максіма Багдановіча і яго сяброўства з Дыядорам Дзябольскім, а таксама 15 містычных апавяданняў. Апавяданні апісваюць таемнае жыццё звычайных людзей, жывёлаў і рэчаў. Гэта містыка гораду, зямлі, вады, холаду. Узнікае пытанне: адкуль аўтарка бярэ сюжэты для творчасці, ці шмат у ёй прыдуманага, калі ўлічыць, што большасць герояў і месцаў выглядаюць досыць рэалістычна?..

Жанр	Аповесць, апавяданні
Выдавецтва	Галіяфы
Год выдання	2016
Колькасць старонак	338
Вокладка	мяккая
Памеры	130×200 мм
ISBN	978-985-7021-99-4

Самавываз або бясплатная дастаўка ў Мінску па лініі метро. Перасылка поштай па Беларусі.

Тэгі: Лонг-ліст прэміі імя Ежы Гедройца-2017, Максім Багдановіч, Паліна Качаткова.Катэгорыі: Выдавецтва Галіяфы, Раманы, апавяданні, Усе кнігі, Фантастыка і антыўтопіі.

Пра Максіма Багдановіча мы насамрэч ведаем вельмі мала. Жыцьцё яго — таямніца. Архіў паэта быў страчаны падчас Другой сусьветнай вайны. У 20-я гады, калі ў Інбелкульце апрацоўвалі архіў паэта, перададзены ягоным бацькам, Адамам Багдановічам, праца была ня скончаная. Людзі, якія займаліся архівам, былі рэпрэсаваныя. Ня выйшаў і заплянаваны трэці том Збору твораў, у якім мусіла быць перапіска паэта… Для мяне асабіста таямніцай застаецца сяброўства Максіма Багдановіча з Дыядорам Дзябольскім, якому прысьвечаны верш «Быць можа, пуціна жыцьця / лягла пярсьцёнкам, друг. / I я ў краіне забыцьця / ня раз раджаўся, як дзіця, / прайшоўшы поўны круг». У часы сталінскіх рэпрэсій Дыядор Дзябольскі быў арыштаваны як сябра таемнай суполкі ілюмінатаў. Ён цікавіўся астраноміяй, яны з Максімам Багдановічам часта гаварылі пра зоркі, і таму ў вершах паэта Багдановіча шмат зорак і камэтаў. Дыядор Дзябольскі пасьля вызваленьня зь лягеру напісаў вельмі кранальныя ўспаміны пра Максіма Багдановіча, але шмат што засталося і па-за ўспамінамі. Менавіта пра гэтае сяброўства я і паспрабавала распавесьці ў рамане «Паэт». ~Паліна Качаткова пра аповесць «Паэт» для svaboda.org

> Частка I. АПОВЕДЫ
> Цень і кароткі дзень
> Водар свята
> Кватэра № 0
> Школа № 26
> Каляровы дзень
> Зялёны сон
> Віленскі каменны кот — надзейны і трывалы
> Гульні з морам
> Люстэркі
> Субота
> На вакзале
> Белая поўня
> Да сустрэчы ў Сінгапуры!..
> Магіла
> Замена фону

> Частка II. Аповесць «ПАЭТ»
> Прадмова, напісаная праз шмат гадоў
> Слова да чытача
> Тое, што адбылося…

Паліна Качаткова нарадзілася ў Оршы. У дзяцінстве жыла ў Магілёве і Гомелі. Скончыла філалагічны факультэт БДУ. Падчас вучобы (1985-1990) удзельнічала ў ініцыятывах нацыянальна арыентаваных маладзёжных аб’яднанняў. У 1990-1998 працавала ў Літаратурным музеі Максіма Багдановіча ў Менску. У жніўні 1998 перайшла на працу ў праваабарончы цэнтр «Вясна».
Сябра Саюза беларускіх пісьменнікаў. Адна з аўтарак дакументальных кнiг «Трагедия на Немиге» (2000) і «Смяротнае пакаранне ў Беларусі» (2015). Аўтарка сцэнарыяў дакументальных фільмаў «Гастарбайтэр» (2008), «Сыс пра Сыса» (2010), «Пустазелле» (2011), «Прычына смерці — прочырк» (2011), «Убыл по приговору» (2012), «Людвіка» (2013), «Шэсць аргументаў супраць смяротнага пакарання».
Аўтар аповесці «Паэт. Аповесць пра Максіма Багдановіча» пра юнацкія гады М. Багдановіча, а таксама зборнікаў навел «Матылі» (2012), «Зялёны сон» (2015).

Водгукі