Лукашук Аляксандр. Вяртанне нацыяналіста

24.50 руб.

Кнігу беларускага пісьменніка і публіцыста, дырэктара Беларускай службы Радыё Свабода Аляксандра Лукашука склалі дакументальныя даследаванні беларускай гісторыі XX стагоддзя. Тоўсты фаліянт змяшчае адразу пяць кніг, выдадзеных у розныя часы, пяць дакументальных даследаванняў савецкага перыяду гісторыі.

Жанр	Проза
Выдавецтва	Галіяфы
Год выдання	2014
Колькасць старонак	768
Вокладка	цвёрдая
Памеры	175х245 мм
ISBN	978-985-7021-29-1

Тэгі: Аляксандр Лукашук, Падарункі 2021, Радыё Свабода.Катэгорыі: Выдавецтва Галіяфы, Гісторыя і філасофія, Драматургія, Кнігі пра сучасную Беларусь, Кнігі, якія не даюць нам спакою: мастрыд, Нон-фікшн, Публіцыстыка, Усе кнігі.

Ва ўсім зборніку ёсць скразны герой – КДБ. Гэта як сказаць, што герой любой кнігі – паветра. Бо калі даследуеш любую тэму беларускай гісторыі, ці то літаратура, археалогія, замежныя сувязі альбо будаўніцтва дарог, абавязкова ўпіраешся ў гэтую арганізацыю, настолькі гэтае ведамства было паўсюль. ~Сяргей Дубавец

У выданне ўвайшлі творы, якія дакументальна ўзнаўляюць розныя перыяды беларускай рэчаіснасці. Напрыклад, кніга «Прыгоды АРА ў Беларусі» прысвечаная 1920-м гадам, калі на Беларусі дзейнічала Амерыканская адміністрацыя дапамогі – дабрачынная падтрымка жыхароў краінаў, пацярпелых у Першай сусветнай вайне.
Жахлівыя падзеі рэпрэсій 30-х гадоў апісваюцца ў кнізе «Здзек», якая выходзіла ў 1988 годзе ў Бібліятэцы часопіса «Маладосць» з прадмовай Васіля Быкава.
Кніга «За кіпучай чэкісцкай работай» названая паводле радка з ліста аднаго чэкіста, які ў канцы 1930-х, як і многія з іх, сядзеў у мінскай турме. Праца прысвечаная ўнутранаму жыццю НКВД.
У кнігу ўваходзіць п’еса «Філістовіч. Вяртанне нацыяналіста», за якую аўтар некалі атрымаў з рук Васіля Быкава ўзнагароду Францішка Багушэвіча.
Апошняя кніга зборніка, «След матылька. Освальд у Мінску» прысвечаная Мінску 1960-х і Лі Харві Освальду.

Кнігу беларускага пісьменніка і публіцыста Аляксандра Лукашука склалі дакументальныя даследаванні беларускай гісторыі XX стагоддзя.

У кнізе выкарыстаныя фота з архіва Гувераўскага інстытута вайны, рэвалюцыі і міру ЗША; Дзяржаўнага архіва кінафотадакументаў РБ; Нацыянальнага архіва РБ.

Пад гэтай вокладкай — падарожжы ў 20-е стагоддзе не гісторыка, а літаратара, для якога іронія дакументаў ёсць такой самай рэальнасцю, як даты судоў і расстрэлаў, а паэзія архіваў цікавіць не менш, чым дасканаласць фактаў. Аўтар сцвярджае, што дакументальная проза мае справу з пустатой як матэрыялам і лініяй гарызонту як задачай.

Беларускі пісьменнік і публіцыст, дырэктар Беларускай службы Радыё Свабода.
Скончыў Мінскі дзяржаўны педагагічны інстытут замежных моў (1977). Працаваў перакладчыкам, журналістам, рэдактарам. У 1990-1992 гадах галоўны рэдактар выдавецтва «Беларусь». З 1993 года на Радыё Свабода, з 1999 — дырэктар Беларускай службы Радыё Свабода. У 2004-2005 гадах дырэктар Радыё «Свабодны Афганістан», у 2007-2008 — выконваючы абавязкі галоўнага рэдактара Радыё Свабода/Радыё Свабодная Еўропа. Стыпендыят Гуверскага інстытута (Стэнфардскі ўніверсітэт, Каліфорнія, 2000).
Адзін з заснавальнікаў «Мартыралёгу Беларусі». У 1990-1995 гадах — член Камісіі Вярхоўнага Савету Рэспублікі Беларусь па правах ахвяр палітычных рэпрэсій.
Аўтар даследаванняў гісторыі XX ст.

Водгукі