Мікола Адам нарадзіўся 8 студзеня 1978 г. у вёсцы Мікалаеўшчына Стаўбцоўскага раёна Мінскай вобласці. Аднак да 1992 г. жыў у Казахстане (у горадзе Шахцінску Карагандзінскай вобласці). Працаваў грузчыкам, загпастам у Мінскім Тэатры-студыі кінаакцёра, рэжысёрам Капыльскага і Стаўбцоўскага РЦК, спецкарэс­пандэнтам газеты «Культура», стыльрэдактарам у выдавецтвах «Мастацкая літаратура» і «Рэгістр». Цяпер — рэдактар аддзела паэзіі часопіса «Маладосць». Аўтар кніг паэзіі «Калыханка для каханай» (2001), «Під лацканами споминів» (2018, у перакладзе на ўкраінскую мову), «Небо на столі» (2020, у перакладзе на ўкраінскую мову) і кніг прозы «Каждому свой ад» (2013), «Шоўк» (2013), «…І прыдбаў гэты дом» (2020)

Водгукі


Чытач
Ганна
1 апреля, 2021

Нельга мяне пускаць у кніжныя крамы, не магу сысці адтуль без таго, каб не купіць нешта новае. Але звычайна я заранёў шукаю ў сеціве нейкія цікавыя навінкі, чытаю анатацыі і водгукі — і альбо замаўляю, альбо іду адразу ў краму набываць.
З “Сёстрамі” адбылося зусім не так. Зайшла я ў краму “Галіяфаў” — а там яны адразу насупраць уваходу. “Сёстры”. І менеджэрка крамы мне іх адразу параіла, бо я ня ведала, чаго хачу. І неяк усё сышлося, як у фільмах кажуць. Набыла раман, хаця нічога ні пра яго, ні пра аўтара, шчыра кажучы, дагэтуль ня чула. Аказалася, дарма.
Кнігу праглынула за некалькі вечароў. Мабыць, я бы і хутчэй скончыла яе чытаць, калі б ня трэба было на працу хадзіць. 🙂 Зараз даволі цікава аналізаваць свае пачуцці. З аднаго боку, не магу сказаць, што напісана вельмі эмацыянальна. Мабыць, ад гэтага яшчэ і страшней. Бо з абедзвюма сёстрамі нейкія жахі адно за адным адбываюцца — а напісана без яскравых эпітэтаў. Як быццам яны абедзве ўжо звыкліся з такім лёсам сваім і гэта своеасаблівая норма.
Ёсць над чым паразважаць. Бо і стасункі паміж бацькамі і дзецьмі, і Данбас, і любоў, і радасць, і гора, і псіхічнае здароўе, і сучасная Беларусь — на першы погляд можа падацца, што занадта шмат тэм для аднаго раману. Але ж гэта жыццё, яно менавіта такое, ніколі не пытае, ці зараз можаш яшчэ і гэта вытрымаць. Проста дае выпрабаванні, а ты тані або плыві.
Мікола, дзякуй Вам вялікі за гэты раман. Мне аж неяк няёмка, што раней я не цікавілася беларускімі сучаснікамі, здаецца, столькі часу згубіла, але ж Вы ўжо змянілі гэта для мяне: дома чакаюць яшчэ тры кнігі з “Галіяфаў”. 🙂 Ня думала, што мужчына здольны напісаць раман пра лёс жанчыны так. На працягу ўсёй кнігі ў мяне ні разу не з’явілася думка, маўляў, нацягнута, жанчына б так не сказала/не зрабіла… Неяк вельмі добра Вы разумееце жаночую псіхалёгію. 🙂
Вам жадаю творчых поспехаў, канешне, і натхнення, буду сачыць за Вашай творчасцю і чакаць новых кніг. Дзякуй!

 

Побач на паліцы:

  • ГАЛІЯФЫ

    Выдавецтва. Кнігарня

  • Пункт самавывазу, кнігарня:
    Крама "Галіяфы"
    Мінск, вул. Няміга, 3,
    цокальны паверх, пав. 47.
    Штодзённа з 11:00 да 20:00

  • e-mail: halijafy@halijafy.by
    +37529-1700781 (Velcom)