15.00 руб.

 «Лотас на асфальце» – другая кніга паэзіі Алеся Плоткі, змеяносца, які ідзе ў сучбелліце шляхам Via combusta. Рэтраспектыва нявыкрутак, надзеяў і людзей за перыяд 2016-2020, канец беларускага і чэскі перыяд жыцця аўтара. Прыватны нататнік і адначасова календар тэрапіі, супольнае падарожжа ад Бабрабора да Вацлавака і назад.

З прадмовы Ганны Севярынец:

«Уласна кажучы, гэта і  ёсць праўда Алеся Плоткі: паэтычнае выказванне перш за  паразуменне, запрашэнне да  агульнага блукання замест гульні ў  «паэтычныя паддаўкі», прапанова далучыцца да  шыфраў, знайсці агульныя коды, якія раней вам прыносілі на  сподачку, а тут — паспрабуй адшукай. Праўда люстра, праўда голкі. Тое, што ляжыць на дне паэтавай душы».