Талстоў Аляксей. Мінакі

5.70 руб. 3.90 руб.

На першы погляд, “Мінакі” — гэта яшчэ адна ўрбаністычная казка з даволі прадказальным канцом, напісаная, як кажуць, па ўсіх канонах жанру. Аднак дзве сюжэтныя лініі, якія рана ці позна мусяць перасекчыся і раскрыць галоўную ідэю твора, чамусьці запаволеныя. Героі ў гэтым не зацікаўленыя. Яны маладыя і асцярожныя, яны ведаюць сабе кошт і на дробязі не разменьваюцца. Кожны жыве сваім жыццём і верыць, што робіць гэта належным чынам, кожны асуджае і ненавідзіць. “Мінакі” маглі быць выдатным узорам разважання на тэму таго, што ёсць “добра”, а што ёсць “кепска”, калі б не аўтар. Падаецца, Талстоў увогуле не вагаецца. Ён выдаляе гэтую дуальнасць як нешта непрыгожае і брыдкае, а на яе месца ўпэўнена ставіць вялікі пытальнік. Складаецца ўражанне, што аўтар і шкадуе сваіх герояў, і любіць іх, але вось дапамагчы ім ніяк не можа, пакідае іх сам-насам са сваімі праблемамі на халодных гарадскіх вуліцах, аддае на міласць чытачу, разлічвае на ягонае сумленне.

Жанр	Раман
Выдавецтва	Галіяфы
Год выдання	2012
Колькасць старонак	298
Вокладка	мяккая
Памеры	100х140 мм
ISBN	978-985-6906-67-4

Тэгі: Аляксей Талстоў, Кнігі да 6 руб., Серыя "Другі фронт мастацтваў".Катэгорыі: Выдавецтва Галіяфы, Проза, Раманы, апавяданні, Усе кнігі.

Індустрыяльны раман, які стварае гарадзкую міфалёгію, брутальны, прыгодніцкі. ~Зміцер Вішнёў

Ёсьць пацан такі, напэўна ўсё ж такі студэнт, вершы піша, бухае, у яго цьмяныя не асабліва надзейныя стасункі з соцыюмам, з аднагрупнікамі, бацькамі. Зь ім побач заўжды ўзьнікаюць вулічныя пэрсанажы, якіх звычайны чалавек імкнецца пазьбягаць і забываецца, што яны такі ж самыя людзі. Другі пэрсанаж, дзяўчынка, якая збольшага сядзіць дома, у яе ёсьць свой сьвет, кіно, прыгожая музыка, часам яна наведвае нейкія выставы, любіць усё беленькае, пяшчотнае. Яны супрацьстаяць, яны шчыра ненавідзяць іншых — тых, хто непадобны да іх, такі жорсткі падлеткавы фашызм. ~Аляксей Талстоў пра раман на generation.by

Аляксей Талстоў — мастак, музыка, пісьменнік. Нарадзіўся ў 1984 г. у Мінску.
Аўтар раманаў “Бег” (2008), “Мінакі” (2012), “Валацугі” (2014).
На ягоным рахунку дзьве персанальныя мастацкія выставы – “Коміксы” (2011) у ДК «Лямора» і “Рэакцыя на чужое” (2012) у галерэі «Ў», а таксама ўдзел у шматлікіх іншых мастацкіх праектах.
Граў у першай беларускай рэгі-групе «Чык-чык», супрацоўнічаў з бэндам «Алёша, гіў мі э чэнс».
Шмат часу праводзіць у Індыі і Непале.

Водгукі