Ляўчук Вераніка. Пра маму Зорачку і пра маленькую Зай

25.00 руб.

За Спякотнымі балотамі, за Даўгім лесам, паблізу Возера Белага пад трыма ліпамі стаіць хацінка. Жыве тут сям’я масаў — самавітых гаспадароў і чарадзеяў. І вось аднойчы ў іх доме з’яўляецца маленькая Зай.

Яна прыйшла аднекуль здалёк, а можа, з самога неба. Яна нічога не ведае пра зямлю, пра краіну масаў, а тым больш, які ў яе чарадзейны дар. Адзіны, на каго яна можа разлічваць, — гэта мама Зорачка. І хоць тая шмат стараецца, увесь час нешта ідзе не так: то Возера Белае змялее, то сама ператворыцца ў цмока, то Вялікую Руціну раззлуе.

І што рабіць?

Мама Зорачка і маленькая Зай выпраўляюцца ў падарожжа па Рацэ Ведаў, да самога Бурштынавага мора, што ад усіх турбот ратуе. Толькі б не забыць пра дом, толькі б дар адкрыць, толькі б мама была побач.

46 казачных гісторый для дарослых і дзяцей

273 аўтарскія малюнкі

Жанр	Проза, апавяданні
Выдавецтва	Галіяфы
Год выдання	2020
Колькасць старонак	192, іл.
Вокладка	цвёрдая
Памеры	165х240 мм
ISSN	978-985-7209-68-2

У наяўнасці

Тэгі: Вераніка Ляўчук, Галіяфы дзецям, Новае на сайце, новае ў выдавецтве, Новае ў кнігарні.Катэгорыі: Выдавецтва Галіяфы, Дзеткам, Ідэі для падарункаў, Навінкі, Проза, Прыгожыя выданні, Усе кнігі.

Аўтар: Вераніка Ляўчук

Лаўрэат Міжнароднага літаратурнага конкурсу «Першацвет» (2019), фіналіст літаратурнага конкурсу «Твист на банке из-под шпрот», арганізаванага сумесна Creative writing school ды ЭКСМО (2019), трапіла ў шорт-ліст літаратурнага конкурса гарадскога апавядання «1+1: Мінск назаўжды» (2018), пераможца Міжнароднага праекта «Созвучие», прысвечанага Максіму Багдановічу (2017). Мае публікацыі ў адпаведных зборніках, а таксама ў часопісе «Маладосць» і калектыўным зборніку «Вешчуны ідуць на Беларусь». Аспірант кафедры агульнага мовазнаўства МДЛУ, даследуе выказванні-меркаванні ў СМІ. Захапляецца акварэллю, збірае Бясконцую кнігу казак, гадуе рудое кацяня.

Водгукі

Чытач

Юлія

2 февраля, 2021

Кніга хутка стала адной з найлюбімейшых. Багатая вобразная мова, захапляльны сюжэт і надзвычай дасціпныя ілюстрацыі, якіх на кожнай старонцы мора і ручай, захапілі ўвагу сына на доўгія вечары. Будзе карыснай і для бацькоў, і для бабуль з дзядулямі — у многіх сітуацыях яны пазнаюць сябе. І яшчэ, думаю, кніга стане шыкоўным падарункам.

∧ | ∨ Адказаць

Чытач

Оксана

27 января, 2021

Мне было непросто начать читать на беларусском языке. Но потом почуствовала атмосферу книги, как будто снова окунулась в свои ощущения после рождения детей. Светлое и беспокойное время! И книга, которая передает эти чувства, переплетая их с фантазией, создавая сказку из обычных будней молодой мамы. И теперь мне хочется называть внука махуликом, я периодически гоняю своих турботников и иногда превращаюсь в Цмока…

∧ | ∨ Адказаць

Чытач

Алена

19 января, 2021

Вельмі светлая, цудоўная кніга для ўсёй сям’і. Яна спадабаецца і маленькім, і дарослым, таму што кожны ўбачыць у гэтых казках, мабыць, гісторыі са свайго жыцця. А добрыя малюнкі аўтаркі дазволяць дзіцяці нават без тэксту ўявіць прыгоды герояў. Таксама асобны дзякуй за якаснае выданне кнігі, вельмі выдатна!

∧ | ∨ Адказаць