Кнігарня "Галіяфы"

  • Жыбуль Віктар. Дзяцел і дупло

  • Жыбуль Віктар. Дзяцел і дупло

    6.00 руб.

    2

    “Дзяцел і дупло” – напэўна, самая вясёлая з выдадзеных на сёння кніг паэта-авангардыста і перформера Віктара Жыбуля. Многія вершы, якія склалі яе, неаднойчы гучалі на паэтычна-музычных вечарынах і слэмах у адметным аўтарскім выкананні і паспелі заваяваць прыхільнасць аўдыторыі. Іронія, гратэск, “чорны” гумар, давядзенне да абсурду, гульня словаў і сэнсаў здольныя не толькі выклікаць усмешку, але нярэдка і прымусіць задумацца над рознымі праявамі нашай зменліва-зманлівай рэчаіснасці.
    Выданне аздоблена фотаздымкамі з тэатральна-мастацкіх акцый і перформансаў з удзелам Віктара Жыбуля.
    Жанр Паэзія
    Выдавецтва Галіяфы
    Год выдання 2016
    Колькасць старонак 76
    Вокладка мяккая;
    на спружыне
    Памеры 95×140 мм
    ISBN 978-985-7140-26-8


    Самавываз або бясплатная дастаўка ў Мінску па лініі метро. Перасылка поштай па Беларусі.

    Тэгі: , .Катэгорыі: , , , .

Можна прыгожа сказаць, што ў кнізе «Дзяцел і дупло» ўзнімаюцца пытанні маральнага стану ды ўнутранага свету чалавека, праблемы творцы і творчасці, жыцця ўмоўнага і сапраўднага. Але пра паэзію Віктара Жыбуля нельга пісаць прыгожа ды вытанчана: здаецца, гэта парушыць усю аўтарскую канцэпцыю, бо галоўны герой зборніка — хуліган, што жыве ўнутры нават самага правільнага ды педантычнага чалавека. Гэты хуліган разважлівы, праз выклік і эпатаж шукае шляхі да ісціны. ~ Дар'я Чарняўская

Вершатворчасць Віктара Жыбуля — прыкметная з’ява ў сучаснай беларускай паэзіі. ~Алесь Разанаў

Паэт любіць павычварацца, але робіць гэта таленавіта, і ягоныя фантасмагорыі ўспрымаюцца як своеасаблівы рэалізм нашага вар’яцкага часу. ~Міхась Скобла

Творы Жыбуля належаць да жывой літаратуры, якую будуць чытаць і нават перапісваць. ~Юрась Барысевіч

Калi хто лiчыць, што беларуская паэзiя заканчваецца на Куляшове i Купале — неадкладна пачытайце Жыбуля! Праўда, калi вас абурае Хармс i постмадэрнiсцкая паэзiя, вазьмiце лепш томiк Янiшчыц альбо Пiсьмянкова… А калi гатовыя да эксперыментаў — толькi Жыбуль. Вас агаломшаць i ўключаць у гульню, правiлы якой прыдумаеце не вы. Але за гэтай гульнёй будуць вельмi сур’ёзныя рэчы, як за жартамi лепшых блазнаў свету заўсёды хавалiся слёзы i боль. ~Людміла Рублеўская


Нарадзіўся ў 1978 г. у Мінску. Беларускі паэт і літаратуразнаўца. Кандыдат філялягічных навук.
Зкончыў філялягічны факультэт БДУ. Працаваў у часопісе творчай моладзі «Першацвет» (1995—2002), часопісах «Роднае слова» і «ARCHE Пачатак». Цікавіцца праблемай рэпрэсій ў БССР.
Вершы Віктара Жыбуля перакладаліся на ангельскую, баўгарскую, латыскую, летувіскую, нямецкую, польскую, расейскую, украінскую і чэскую мовы.

Побач на паліцы:

  • ГАЛІЯФЫ

    Выдавецтва. Кнігарня

    Прапанова для СМІ

  • Рэжым працы:

    Пункт самавывазу, кнігарня:
    Крама "Галіяфы"
    Мінск, вул. Няміга, 3,
    цокальны паверх, пав. 66.
    Штодзённа з 11:00 да 20:00

    Дастаўка па Мінску:
    Штодзённа з 17:00 да 20:00

  • e-mail: halijafy@halijafy.by
    +37529-1700781 (Velcom)

  • Пішыце нам: