Вішнёў Зміцер. Шоргат жукоў

5.60 руб.

Вершы Змітра Вішнёва вызначаюцца зрухам да антыэстэтызму як менш зношанай эстэтычнай схемы, але адначасова іх перапаўняе парадаксальны «вішнёўскі» рамантызм. Аўтар працягвае паэтызаваць сваю любімую афрыканскую экзотыку, пад якой яму бачыцца асаблівы, разняволены вобраз жыцця ўвогуле. ~Ірына Скарапанава

Жанр	Паэзія
Выдавецтва	Галіяфы
Год выдання	2011
Колькасць старонак	92
Вокладка	мяккая
Памеры	120×200 мм
ISBN	978-985-6906-55-1

Тэгі: Другі фронт мастацтваў, Зміцер Вішнёў.Катэгорыі: Выдавецтва Галіяфы, Паэзія, Усе кнігі.

…аўтар смела эксперыментуе, выкарыстоўвае стылізацыю як сродак сюррэалістычнага змяшання свядомага з падсвядомым, рэчаў рэальных з нерэальнымі. ~Анатоль Вярцінскі

Зміцер Вішнёў — яркі прадстаўнік новай літаратурнай плыні, якога вылучае арыгінальнасць, метафарычнасць, свежасць і разняволенасць думак і вобразаў, пісьменнік, які зрабіў значны ўнёсак у скарбніцу постмадэрнісцкай беларускай літаратуры. ~Юры Станкевіч

У кнігу ўвайшлі тэксты, напісаныя ў 2005—2011 гадах. “Шоргат жукоў” — гэта чарговая спроба аўтара ўпрыгожыць навакольную прастору.

Ты фарбаваная ў рудыя промні —
гэта, напэўна, паветраны помнік:
мне — адзіноце маёй, і, утрыруючы,
паведамляю, што скончыўся перыяд комы.
Я — адышоў ад калгасных песняў, разумеючы,
што настаў новы дзень. Абломы
няхай застануцца пенсіянерам
і таленавітым версіфікатарам санетаў,
а сапраўдныя творы толькі калекцыянерам
промняў, і ценяў, і старажытных манетаў.
Ты з вачыма — калодзежамі чорнымі —
спатоліш смагу спадарожніку зорнымі
водамі, кроплямі чарадзейнага святла.
Зашамацяць паперы, дзе гуляюць у балет датла
філасофскія фабулы і кампазіцыі,
каб выспявалі для кампазітара нотныя пазіцыі.

Водгукі